لآلئ الجنة لتحفيظ القرآن الكريم

يهتم بحافظات كتاب الله


    جمل ممنوع قولها

    شاطر

    ام سيف

    المساهمات : 80
    تاريخ التسجيل : 22/01/2018

    جمل ممنوع قولها

    مُساهمة من طرف ام سيف في الإثنين فبراير 19, 2018 11:31 pm

    جمل لازم تحذفها من دماغك نهائيا 


    1- " الله يخربيتك " ... معناها الله يخرب بيتك مش للهزار يعنى  !




    2- " ربنا يخليك " معناها "ربنا يتخلى عنك" لأن ( يخلى ) جاية من التخلية والخلو بمعنى الترك والإستغناء فانت مش بتدعى ليه لأ




    3- " نوم الظالم عبادة " ... هى مش عبادة على فكرة هى راحة من شره بس يعنى مفيش آية أو حديث أو أى نص شرعى يقول إنها عبادة خالص 




    4- "ده يوم أسود" أو "وقت زبالة" أو "زمن غدار" إن كان قصدك على الزمن نفسه فده حرام بالإجماع لأن كل اللى فى الزمن من صنع الله فمن سب الزمن فقد سبّ الله  فى الحديث القدسى يقول الله تعالى (يؤذيني ابن أدم يسب الدهر وأنا الدهر .بيدي الأمر أقلب الليل والنهار) رواه مسلم




    5- " دا أحنا زارنا النبى " بتقولها لما يجيلك ضيف وأنت عاوز ترفع من قدره مش عاوز أصدمك وأقولك إن النبى مات ومش هيجى يزورك  .. آه والله مش هيجى يزورك  ... ومش عاوز أصدمك أكتر واقولك إنك كذبت حتى لو لم تقصد الكذب 




    6- "كتر خير الدنيا" بتقولها لما حد يزورك ويسألك عن حالك وأنت مريض
    الدنيا لا يتوجه أحد لها بالشكر والعبادة بل يتوجه لله وفقط ... 
    " قل إن الفضل بيد الله " مش بيد الدنيا 


    7- "نايم جوا بياكل رز مع الملايكة" ... جملة غلط 100% لأن الملائكة منزهون عن الأعراض البشرية كالأكل والشرب والنوم (الخ) .
    قال تعالى " يسبحون الليل والنهار لا يفترون "


    8- "قال رسول الله (ص)" إيه (ص) دى عاوز أفهم ؟ لا بجد فهمنى ؟! . عاوز تكتب حديث يبقى تكتبها كاملة " صل الله عليه وسلم " أهو ع الأقل تاخد ثواب اللى هيقرأها كاملة بسببك


    9- " إسم النبى حارسك وصاينك " لا الحارس والحافظ مش إسم النبى خالص على فكرة الحافظ هو الله 


    10- "لا حياء فى الدين " هو الدين كله حياء والصح إنك تقول " لا حياء فى العلم"


    11- "عملت اللى عليا والباقى على ربنا" كأن ربنا شريك ليك عليك جزء وهو عليه جزء وحاشا لله ذلك .. الأفضل أن تقول عملت اللى عليا والتوفيق من الله 


    قال ﷺ :
    " إن الرجل ليتكلم بالكلمة لا يرى بها بأسا يهوي بها سبعين خريفا في النار " 
    صحح مفاهيمك study
    avatar
    أم صلاح
    Admin

    المساهمات : 387
    تاريخ التسجيل : 17/01/2018
    الموقع : https://khorymosqe.ahlamontada.com

    رد: جمل ممنوع قولها

    مُساهمة من طرف أم صلاح في الثلاثاء فبراير 20, 2018 8:16 pm

    عن جد كتير بيقولوها الناس حتى لما بدها تضحك معك و تخبرك انها مبسوطة منك بتقول هيك سبحان الله نسأل الله تعالى أن يبدلنا ألفاظ نكسب فيها الأجر و الثواب 

    دارين محمد فؤاد

    المساهمات : 21
    تاريخ التسجيل : 07/02/2018

    رد: جمل ممنوع قولها

    مُساهمة من طرف دارين محمد فؤاد في الخميس مارس 01, 2018 7:25 pm

    جزاك الله خير صحيح جمل غير صحيحة وللاسف في بلدنا مطلعين الجمل دي

      الوقت/التاريخ الآن هو الإثنين أغسطس 20, 2018 12:58 pm